विहीरगाव संघटनेचा पुढाकार – दारू विक्रेत्यांना दिली तंबी

शेजारच्या गावात दारूविक्री बंदी असल्याने त्या गावातील व्यसनी लोकं पिण्यासाठी विहीरगाव येथे दारू पिण्यासाठी गर्दी करतात. यामुळे गावातील वातावरण बिघडत असल्याने आपल्या गावात सुद्धा दारू विक्री बंदी असलीच पाहिजे असा निर्णय गावसंघटनेणे घेतला. यासाठी दिंनाक 20 डिसेंबर रोजी गावात सभा घेऊन आवश्यक चर्चा करून व सर्वसहमतीने दारूविक्री बंदीचा निर्णय घेण्यात आला. यासाठी विहीरगाव संघटनेने हे सक्रीय पाउल उचलले.

गावात दारू पिण्यासाठी लोकं येत असल्याने, शाळकरी, तरून मुले बिघडतील, महिलांना त्रास होतो, गावातील वातावरण बिघडते, गावातील लोकंही अधिक प्रमाणात दारू प्यायला लागतील, भांडणे वाढतील, हा विचार करून गाव संघटनेने हा निर्णय घेतला. सूचना दिल्या नंतर सुद्धा पुढे चालून दारू विक्री आढळ्यास संघटनेद्वार कायदेशीर पद्धतीने दारू नष्ट करणे,  ग्रामपंचायत द्वारा दंडात्मक व पोलीस कारवाई करणे, इत्यादी सूचना विक्रेत्यांना यावेळी देण्यात आल्या. यावेळी पोलिस पाटील रवींद्र करपते, मोरेश्वर करपते ,किशोर भोयर, शांताराम देशमुख, अरुण रोहनकर व इतर दारू बंदीचे संघटनेचे सदस्य, मुक्तिपथ तालुका चमू उपस्थित होते.