धक्कादायक! स्वतःचे सरण रचून शेतकऱ्याने केली आत्महत्या…

लोकस्पर्श न्यूज नेटवर्क, 

बुलढाणा, दि. १७ फेब्रुवारी :बुलढाणा जिल्ह्यातील खामगाव च्या पळशी खुर्द येथे एका शेतकऱ्याने स्वतःचे सरण रचून आत्महत्या केल्याची धक्कादायक घटना उघडकीस आली आहे. महेंद्र नामदेव बेलसरे असं या शेतकऱ्याचं नाव आहे. त्याच्या आत्महत्येचं कारण समोर आल्याने सर्वांनाच मोठा धक्का बसला आहे.

कधी अवकाळी पाऊस तर कधी पूरस्थिती तर कधी दुष्काळ यामुळे शेतकऱ्यांना मोठ्या आर्थिक संकटांचा सामना करावा लागतो. त्यातच आता शेतकरी तरुणांना मुली देण्यासही नकार येत असल्याच्या घटना समोर येत आहेत. बुलढाण्यातून आता अशीच एक घटना समोर आली आहे. शेतकरी असल्याने मुलगी देण्यास कुणीही तयार नव्हतं आणि आपलं लग्न जुळत नसल्याने बुलढाण्यातील तरुणाने टोकाचं पाऊल उचललं आहे. आपलं स्वत:चं सरण रचून या तरुणाने आत्महत्या केली आहे.

व्हॉट्सअॅप ग्रुप ही लिंक वापरून जॉइन करा

नेमकं काय आहे प्रकरण?

या संदर्भात मृतक महेंद्र नामदेव बेलसरे याच्या भावोजींनी पोलिसांना सांगितले की, महेंद्र बेलसरे हा माझा मेव्हणा आहे. तो शेती व्यवसाय करत होता. १६ फेब्रुवारी रोजी दुपारी दोन वाजता महेंद्र मला भेटण्यासाठी आला होता. मी पेट्रोल पंपावर काम करतो. पेट्रोल पंपावर महेंद्र आला आणि मला म्हणाला, मला कुणी मुलगी देत नाही. माझं लग्न करुन द्या. मी त्याला तुझ्यासाठी मुलगी पाहतो असं म्हटलं. त्यानंतर महेंद्र निघून गेला.

टेलिग्राम बातम्यांसाठी लिंक क्लिक करा