लोहखनिज वाहतूक करणाऱ्या ट्रकने १२ वर्षीय मुलीला चिरडले
सूरजागड लोहखनिज वाहतुकीचा आणखी एक बळी, कायम अपघात होत असतांनाही प्रशासनाकडून दुर्लक्ष होत असल्याने नागरिकांत प्रचंड रोष व्यक्त होत आहे.
लोकस्पर्श न्यूज नेटवर्क,
गडचिरोली, दि. १४ : सुरजागड प्रकल्पातून लोहखनिजाची वाहतूक करणाऱ्या ट्रकच्या धडकेत १२ वर्षीय मुलगी ठार झाल्याची घटना आज आष्टी येथे दुपारी ३ वाजताच्या सुमारास घडली. सोनाक्षी मसराम असे मृत मुलीचे नाव असून, ती चंद्रपूर जिल्ह्यातील राजुरा तालुक्यातील नांदगाव फाटा येथील रहिवासी होती.
सोनाक्षी ही आज दुपारी आपल्या मामासोबत एमएच ३४, एझेड ९५७५ क्रमांकाच्या मोटारसायकलने आष्टी येथून गोंडपिपरीकडे जात होती. मात्र, वनविभागाच्या तपासणी नाक्यासमोर मोटारसायकल स्लीप झाल्याने दोघेही खाली पडले. एवढ्यात मागून येणाऱ्या ट्रकने सोनाक्षीला जबर धडक दिली. यात ती जागीच ठार झाली. घटनेनंतर ट्रकचालक प्रसार झाला. या घटनेमुळे नागरिकांत संताप व्यक्त केला जात आहे.
आष्टी पोलिस घटनेचा तपास करीत आहेत. हा ट्रक सुरजागड येथून लोहखनिज घेऊन चंद्रपूर जिल्ह्याकडे जात होता अशातच दुचाकीला ट्रकनी जबर धडक दिली असता दुचाकीवरून मुलगी खाली पडल्याने सरळ चाकाखाली आल्याने जागीच गतप्राण झाली .मागील दीड वर्षांपासून या मार्गावर सूरजागड येथून लोहखनिज वाहतूक करणाऱ्या अवजड वाहनांची रेलचेल मोठ्या प्रमाणात आहे .अपघातांचे प्रमाण वाढले आहे. मात्र, यावर काहीही उपाययोजना होत नसल्याने नागरिकांमध्ये तीव्र असंतोष पसरला आहे.
हे देखील वाचा ,
Comments are closed.