विदर्भ आर्थिक दृष्या संपन्न व्हावा या उद्देशाने या महोत्सवाचे आयोजन – केंद्रीय मंत्री नितिन गडकरी

लोकस्पर्श न्यूज नेटवर्क, 

नागपूर, दि. ६ मार्च :  विदर्भात खनिज आणि जंगल संपत्ती विपुल प्रमाणात असून यावर आधारित स्टिल, मॅगनीज चे कारखाने तसेच उद्योग प्रस्थापित झाले पाहिजेत, विदर्भातील कच्चा मालावर मुल्यवर्धन करून विदर्भातील उद्यमशिलता आणि रोजगार निर्मितीच्या क्षमतावृद्धी मध्ये समन्वय साधणे आवश्यक असून विदर्भ आर्थिक दृष्या संपन्न व्हावा या उद्देशाने या महोत्सवाचे आयोजन करण्यात येत असल्याची माहिती केंद्रीय मंत्री नितीन गडकरी यांनी आज नागपुरात केले.

सक्ष्म लघू आणि मध्यम उद्योग विकास संस्था नागपूर आणि केंद्रीय मंत्री नितीन गडकरी यांच्या पुढाकारातून 12 ते 14 मार्च पर्यंत नागपुरात खासदार औद्योगिक महोत्सवाचे आयोजन हिंगणा एमआयडीसी येथील महाराष्ट् इडस्ट्रीज असोसिएशनच्या सभागृहात करण्यात येत असून यासंदर्भात प्रसारमाध्यमांना माहिती देतांना ते बोलत होते.

3 दिवसीय महोत्सवात विविध उद्योग , सार्वजनिक क्षेत्र उपकम यांचे दालन, उद्योग संधी विषयावर आधारित परिसंवाद असणार आहेत. तीन दिवसीय कार्यक्रमा दरम्यान, उद्योजकांना व्यवसाय विकासाच्या विविध पैलूंवर आणि रोजगार आणि स्वयं-रोजगाराच्या संधी निर्माण करण्यासाठी, विक्रेता विकास आणि खरेदीदार-विक्रेता संमेलन, निर्यात प्रोत्साहन आणि आयात स्वदेशीकरण, सेवा क्षेत्र, स्टार्टअप्स, ऑटोमोबाईल सेक्टर, ऑटोमोबाइल सेक्टर, अग्रो आणि फूड प्रोसेसिंग, एनर्जी सेक्टर, डिफरन्स प्रोक्योरमेंट, क्रेडिट फॅसिलिटेशन, टेक्नॉलॉजी ट्रान्सफर, प्लॅस्टिक प्रिंटिंग आणि पॅकेजिंग सेक्टर, टुरिझम इत्यादी विविध विषयांवर परिषदा या 03 दिवसीय महोत्सवामध्ये आयोजित करण्यात येणार आहे. या परिषदांना मोठ्या उद्योग, कॉर्पोरेट्स, केंद्र आणि राज्य सरकारमधील वरिष्ठ अधिकारी तसेच सार्वजनिक क्षेत्रातील उपक्रम, बहुराष्ट्रीय कंपन्या, तत्सम क्षेत्रातील तज्ज्ञ संबोधित करणार आहेत.

खासदार औद्योगिक महोत्सवाचे प्रमुख आकर्षण म्हणजे मेगा नॅशनल इंडस्ट्रियल एक्स्पो. मोठे उद्योग, केंद्र/राज्य सरकारचे पीएसयू, कॉर्पोरेट्स, एमएसएमई, स्टार्ट अप्स, आयटी/आयटीईएस, वित्त, संशोधन आणि शैक्षणिक संस्था आणि इतर या एक्स्पोमध्ये सहभागी होतील. एमएसएमई उत्पादने आणि सेवा, उपलब्धी, नवकल्पना, उपक्रम, संशोधन आणि विकास एमएसएमईच्या विविध प्रवाहांमध्ये आणि अग्रगण्य उद्योग क्षेत्रे, कृषी, ऑटोमोबाईल्स, आयुर्वेदिक औषधे, सौंदर्य प्रसाधने, ऊर्जा, इलेक्ट्रॉनिक्स, यांद्वारे भविष्यातील दृष्टी दाखवण्यासाठी हा एक्स्पो माहिती तंत्रज्ञान, आयटी, अन्न, ग्राहक उत्पादने, फार्मास्युटिकल्स, सार्वजनिक उपक्रम, राज्य आणि केंद्र सरकार. विभाग, कॉर्पोरेट्स, शैक्षणिक आणि संशोधन संस्था, स्टार्ट अ‍प्स या सर्वांना एक भव्य मंच उपलब्ध होणार आहे. कॉर्पोरेट्स आणि सार्वजनिक क्षेत्र उपक्रम एमएसएमई कडून मिळू शकणारी उत्पादने आणि सेवा प्रदर्शित करतील आणि त्यांना त्यांचा विक्रेता विकास कार्यक्रम अधोरेखित करण्याची संधी देईल. हा ताळमेळ साधतांना एमएसएमईला मोठ्या कंपन्या, केंद्रीय सार्वजनिक क्षेत्र उपक्रम, बहुराष्ट्रीय कंपन्या इत्यादींसोबत नवीन बाजार संधी शोधण्यात मोठ्या प्रमाणात सहकार्यही मिळणार आहे.

याद्वारे सर्व उद्योजकांना आवाहन करण्यात येत आहे की, त्यांनी उद्योग आणि धोरण निर्मात्यांना त्यांची उत्पादने प्रदर्शित करण्याच्या या सुवर्ण संधीचा लाभ घ्यावा आणि त्यांच्याशी संवाद साधावा. हा कार्यक्रम त्यांना त्यांच्या शोध आणि संशोधन आणि विकास कौशल्याला चालना देण्यासाठी मदत करेल. भविष्यातील चॅनल भागीदार, वितरक यांच्याशी सहयोग करण्यासही ते सहाय्यक ठरेल . एमएसएमईंना या खासदार औद्योगिक महोत्सवात सहभागी होण्याचा लाभ होईल कारण यामुळे त्यांच्या उत्पादनांसाठी नवीन बाजारपेठ शोधण्यात आणि निर्यात क्षमता उघडण्यास मदत होईल. कॉर्पोरेट्स, एमएसएमई, विद्यार्थी, संशोधन विद्वान, डीलर्स, वितरक, विद्यमान आणि संभाव्य उद्योजक इत्यादी सर्वांना या मेगा इव्हेंटमध्ये सहभागी होण्यासाठी आणि कार्यक्रमाचा लाभ घेण्यासाठी आमंत्रित केले आहे. केंद्रीय सुक्ष्म,लघु आणि मध्यम उद्योग मंत्रालया अंतर्गत सूक्ष्म आणि लघु उद्योगांसाठी स्टॉल भाड्यावर अनुदानही उपलब्ध आहे.

हे देखील वाचा :

छत्रपती शिवाजी महाराजांच्या पुतळ्याचे प्रधानमंत्री नरेंद्र मोदी यांच्या हस्ते अनावरण

अनैतिक संबंधातून प्रियकराने केला प्रियसीच्या पतीचा खून…

येत्या काही दिवसात 70 रेल्वे स्टेशनला विमानतळाचं स्वरुप प्राप्त होणार – केंद्रीय रेल्वे राज्यमंत्री दानवे