दिल्लीत मास्कशिवाय आढळलं तर बघा किती आहे दंड.

लोकस्पर्श न्यूज नेटवर्क

नवी दिल्ली :– दिल्लीत करोना संक्रमणाचं वाढत्या प्रमाणामुळे राज्य सरकारसोबतच केंद्रानंही धसका घेतलाय. करोना संक्रमणाच्या पार्श्वभूमीवर अरविंद केजरीवाल सरकारनं कठोर पाऊल उचलली आहेत. यात, करोना मास्कशिवाय आढळणाऱ्या नागरिकांकडून चौपट दंडवसुली केली जाणार आहे.

नव्या निर्णयानुसार, सार्वजनिक ठिकाणी मास्क परिधान करणं नागरिकांना अनिवार्य असून मास्कशिवाय आढळल्यास व्यक्तीला २००० रुपयांच्या दंडाची तरतूद याद्वारे करण्यात आलीय. या अगोदर दिल्लीत मास्कशिवाय आढळल्यास ५०० रुपयांचा दंड वसूल केला जात होता.

Met Hon’ble LG. Briefed him about the corona situation in Delhi. We agreed that to create effective deterrent so that people don’t omit wearing masks, we need to increase fine from the present Rs 500 to Rs 2000.

— Arvind Kejriwal (@ArvindKejriwal) November 19, 2020

उपराज्यपालांची भेट घेतल्यानंतर आपण हा निर्णय घेतल्याचं मुख्यमंत्री अरविंद केजरीवाल यांनी म्हटलंय. करोना परिस्थितीवर सर्वपक्षीय बैठक पार पडल्यानंतर मुख्यमंत्र्यांनी ही घोषणा केलीय. सार्वजनिक ठिकाणी मास्कशिवाय आढळल्यास २००० रुपयांचा दंड लावण्यात येईल, अशी घोषणाच मुख्यमंत्री केजरीवाल यांनी केलीय.

आज सर्वदलीय बैठक में सभी दलों का सहयोग माँगा। ये वक़्त राजनीति का नहीं बल्कि सेवा का है। सभी दलों से निवेदन किया कि वे अपने कार्यकर्ताओं से सभी सार्वजनिक स्थलों पर मास्क बँटवाएं। सभी दलों ने आश्वासन दिया कि वे राजनीति छोड़कर जनसेवा करेंगे। pic.twitter.com/Ft2iqiUWrd

— Arvind Kejriwal (@ArvindKejriwal) November 19, 2020

दिल्लीत करोना संक्रमणाची तिसरी लाट सुरू असून परिस्थिती अत्यंत चिंताजनक बनलीय. बुधवारी राजधानीत १०० हून अधिक जणांना आपले प्राण करोनामुळे गमवावे लागले. दिल्लीतील संक्रमणाचा फैलाव लक्षात घेत केंद्र सरकारकडूनही प्रयत्न सुरू करण्यात आले आहे. गृहमंत्री अमित शहा यांनी करोनावर बैठक घेऊन इतर राज्यांच्या पॅरामेडिकल स्टाफला दिल्ली बोलावण्याचा निर्णय घेतलाय.