सामाजिक न्याय विभागाच्या विविध पुरस्कारासाठी अर्ज सादर करण्याचे आवाहन

लोकस्पर्श न्यूज नेटवर्क,

गडचिरोली: सामाजिक न्याय व विशेष सहाय्य विभागाच्या वतीने समाज कल्याण क्षेत्रात कार्य करणा-या नोंदणीकृत स्वयंसेवी संस्था व उल्लेखनीय कार्य करणारे समाजसेवक/ व्यक्ती यांना दरवर्षी विविध पुरस्कार देऊन सन्मानित करण्यात येते. सन 2023- 2024 या वर्षासाठी देण्यात येणा-या डॉ. बाबासाहेब आंबेडकर समाज भुषण पुरस्कार, साहित्यरत्न लोकशाहीर अण्णा भाऊ साठे पुरस्कार, पद्मश्री कर्मवीर दादासाहेब गायकवाड पुरस्कार, संत रविदास पुरस्कार, शाहु- फुले- आंबेडकर पारितोषिक , डॉ. बाबासाहेब आंबेडकर सामाजिक न्याय प्रावीण्य पुरस्कार या विविध पुरस्कारासाठी अर्ज मागविण्यात येत आहेत.

सदर पुरस्कार सन 2023-24 साठी देण्याकरीता गडचिरोली जिल्हयातील समाज कल्याण क्षेत्रात उल्लेखनिय कार्य करणा-या इच्छुक व्यक्ती व संस्था यांनी रितसर अर्ज उपरोक्त पुरस्कारासाठी, सहाय्यक आयुक्त समाज कल्याण गडचिरोली या कार्यालयात 15 फेब्रुवारी 2025 रोजी पुर्वी अर्ज सादर करण्यात यावेत. अर्जाचा नमुना प्रत कार्यालयातुन प्राप्त करुन घ्यावे व अधिक माहितीसाठी या कार्यालयात प्रत्यक्ष संपर्क साधावा किंवा कार्यालयाच्या 07132-222192 या संपर्क क्रं.संपर्क साधन्याचे आवाहन डॉ.सचिन मडावी, सहाय्यक आयुक्त, समाज कल्याण गडचिरोली यांनी केले आहे

व्हॉट्सअॅप ग्रुप ही लिंक वापरून जॉइन करा