कोविड-19 साथरोगसंदर्भाने नियमांचे पालन करावे अन्यथा दंडात्मक कारवाई होणार – जिल्हा प्रशासन गडचिरोली
लोकस्पर्श न्यूज नेटवर्क
गडचिरोली, दि.18 जून : सध्या गडचिरोली जिल्ह्यात कोरानाबाधित रुग्णांची संख्या कमी झालेली असून गडचिरोली जिल्हा सध्या लेवल-3 मध्ये समाविष्ट आहे. कोविड-19 साथरोगाची परिस्थिती पूर्णत: नियंत्रणात अद्याप आलेली नाही तसेच भविष्यात कोविड साथरोगाची तिसरी लाट येण्याची शक्यता नाकारता येत नाही.
ज्यामध्ये प्रामुख्याने लहान मुलांना धोका होण्याची शक्यता नाकारता येत नाही. तरीसुद्धा सध्या नागरिक कोविड-19 साथरोगासंदर्भात सामाजिक अंतर राखणे, मास्क वापरणे इ. आवश्यक बाबी करत असल्याचे दिसून येत नाही आहेत ज्यामुळे भविष्यात जिल्ह्यातील कोविड-19 रुग्णांची संख्या वाढण्याची शक्यता नाकारता येत नाही व त्यामुळे भविष्यात पुन्हा कडक निर्बंध/टाळेबंदी/लॉकडाऊन लावण्याची गरज भासू शकते.
तेव्हा सर्व नागरिकांना, दुकानदारांना आवाहन करण्यात येते की, कोविड-19 साथरोगसंदर्भाने सर्वांनी आवश्यक खबरदारी घ्यावी, नियमितपणे मास्क वापरावे. जे नागरिक/दुकानदार कोविड-19 साथरोगसंदर्भाने नियमांचा पालन करत नाहीत, मास्कचे वापर करत नाही अशा नागरिकांना/दुकानदारांवर कारवाई करण्यात येईल व दंड वसूल करण्यात येणार आहे असे जिल्हाधिकारी कार्यालयाने कळविले आहे.
हे देखील वाचा :
दिलासादायक! गडचिरोली जिल्ह्यात आजही मृत्यूची नोंद नाही, 57 कोरोनामुक्त तर 35 नवीन कोरोना बाधित
आपत्ती व्यवस्थापन मंत्री विजय वडेट्टीवार गडचिरोली जिल्हा दौऱ्यावर
उप पोलिस स्टेशन रेपनपल्ली येथे शेतकऱ्यांना धान-बियाणांचे वाटप
Comments are closed.