जळगावच्या पारोळामध्ये महाविकास आघाडीच्या सभेत नितेश कराळे मास्तरांनी थेट मोदींच्या शिक्षणाचा मुद्दा छेडला

 गद्दारंच सरकार गेलं पाहिजे, यासाठी जीवाची बाजी लावून शरद पवार हे राज्यात फिरत आहेत. शेतकऱ्याला न्याय मिळाला पाहिजेच म्हणून शरद पवार साहेबांच्या रोजच्या चार ते पाच सभा होत आहे. तुमच्यासाठी साहेब हे करत आहे, तुम्ही साहेबांना साथ द्याल का?, असं कराळे गुरुजी म्हणाले. लोकांनी त्याला होकार दिला.

शरद पवार साहेबांना भ्रष्टाचाराचे सरदार म्हणतात त्या अमित शाह यांना लाज वाटत नाही का? एक  मराठीत म्हण आहे आपलं ठेवावं झाकून आणि दुसऱ्याच पाहावं वाकून… ज्यांना गुजरात मधून तडीपार  केले  त्यांनी आम्हाला का सांगावं, ज्यांनी छत्रपतींच्या पुतळा सुद्धा सोडला नाही महाराष्ट्राची अस्मिता मातीत मिसळण्याचा काम या सरकारने केले आहे.  या ठिकाणाहून आपला एक आमदार केला पाहिजे आणि महाविकास आघाडीला भक्कम केला पाहिजे असं मला वाटतं, असं नितेश कराळे म्हणाले.